我們有個習慣，甚麼也愛問點解，問得多，自己都習慣做任何決定前，會先預設人家會問我們點解，先要預備好一個合理的原因，好作回應。
但有時我真的想不到原因，究竟硬要想出原因去證明自己沒做錯決定，還是不如乾脆放棄原先決定。「我真係說服唔到自己點解要咁做囉！」於是，合理化地放棄、拒絕前行一步。
但率性的決定往往帶來出人意外的結果，簡單如天氣突變，隨便走入時裝店買了件特價褸，怎料著落鬼死咁喜歡，又舒服又方便，於是成日著住。又或者公司等人用，interview 了一個人，由於可以即時上班，談吐尚可就請了他，點知好鬼打得，成為得力助手。
此種運氣，10個決定有2個成功。但我告訴你謹慎合理的決定往往成功率也不過是20％。
我想講的是不要太執著去問點解，問得多，好易會諗多，諗多自然會行慢，而那20％的幸運有時就會在這過程中溜走。做決定要想清楚，這個沒錯，但不是樣樣都能想得通，有時要學懂放鬆手，就試下好唔好彩囉，唔使下下諗到2046。
同樣道理，你問人點解的時候，真的不用太認真去諗對方的答案，可能他只是堆砌一個疑似合理的解釋去說明沒有原因的決定，而且那原因會隨時間、場合、環境而改變，聽了就算，別太執著。
Kathy Lam林慧怡
（轉載自《Recruit》專欄）